ఒక మంచి కంపెనీలో ఉద్యోగం వస్తే చేయాలని ఎవరికి ఉండదు చెప్పండి. అందులోనూ టాటా లాంటి కంపెనీలో జాబ్ అంటే కళ్ళు మూసుకుని చేరవచ్చు. మీరు కూడా ఒక మంచి అవకాశం కోసం ఎదురుచూస్తున్నట్లైతే ఈ ఉద్యోగం మీ కోసమే. అనుభవం అవసరం లేదు. మీలో నేర్చుకోవాలన్న తపన ఉంటే కంపెనీనే మీకు శిక్షణ ఇచ్చి జాబ్ ఇస్తుంది. శిక్షణ కాలంలో నెలకు రూ. 30 వేలు ఉపకారవేతనం ఇస్తుంది.
TATA STEEL ASPIRING ENGINEERS PROGRAM 2023
దేశంలో అత్యంత ఉన్నత విలువలు కలిగిన టాటా గ్రూప్ సంస్థకు చెందిన టాటా స్టీల్ కంపెనీలో ఇంజనీరింగ్ ట్రైనీ పోస్టుల భర్తీ కోరుతూ ప్రకటన విడుదల అయ్యింది. టాటా స్టీల్ వారికి కావాల్సిన అర్హతలు ఉండి ఎంపికైన అభ్యర్థులను ఏడాది పాటు ఇంజనీర్ ట్రైనీగా అపాయింట్ చేస్తారు. ట్రైనింగ్ పీరియడ్ లో నెలకు రూ. 30 వేలు ఉపకారవేతనం చెల్లిస్తారు. శిక్షణ పూర్తయ్యాక ఏడాదికి రూ. 6.24 లక్షలు జీతం చెల్లిస్తారు. అంటే ఏడాదికి రూ. 52 వేలు చెల్లిస్తారు. ఈ ఉద్యోగానికి అనుభవం అవసరం లేదు. దరఖాస్తు చేసుకున్నాక ఎంపికైతే వారే వారికి తగ్గట్టు శిక్షణ ఇచ్చి ఉద్యోగం ఇస్తారు. మరి ఈ ఉద్యోగానికి కావాల్సిన కనీస అర్హతలు ఏంటి? వయసు పరిమితి ఎంత ఉండాలి? వంటి వివరాలు మీ కోసం.
ప్రోగ్రామ్ వివరాలు:
కంపెనీ : టాటా స్టీల్
పోస్టు: ఇంజనీర్ ట్రైనీ
శిక్షణ వ్యవధి: ఏడాది
శిక్షణ పూర్తయ్యాక: శాశ్వత ఉద్యోగం (టాటా స్టీల్ లో అసిస్టెంట్ మేనేజర్ గా 3 ఏళ్లు పని చేయాలి)
అర్హతలు:
ఐటీ, కంప్యూటర్ సైన్స్ విభాగాల్లో ఖచ్చితంగా బీఈ/బీటెక్ పూర్తి చేసి ఉండాలి లేదా చివరి ఏడాది చదువుతూ ఉండాలి.
ఖచ్చితంగా మ్యాథ్స్, స్టాటిస్టిక్స్, ఫిజిక్స్, ఆపరేషనల్ రీసెర్చ్ విభాగాల్లో ఎంసీఏ/ఎంఎస్సీ చేసి ఉండాలి. లేదా చివరి ఏడాది చదువుతూ ఉండాలి.
కనీస అర్హతలు:
మూడేళ్ళ డిప్లోమా పూర్తి చేసి, బీఈ/బీటెక్ లేదా బీఎస్సీ ఇంజనీరింగ్ లో నేరుగా రెండవ సంవత్సరంలో చేరిన విద్యార్థులు, అలానే ఆఖరి సంవత్సరం చదువుతున్న విద్యార్థులు ఈ ఉద్యోగానికి దరఖాస్తు చేసుకోవచ్చు.
ఏఐసీటీఈ/యూజీసీ ఆమోదించిన పూర్తి సమయం క్యాంపస్ ప్రోగ్రాంలో హాజరు కలిగి ఉండాలి.
జనరల్ అభ్యర్థులు బీఈ/బీటెక్, బీఎస్సీ ఇంజనీరింగ్ లో ఖచ్చితంగా సీజీపీఏ ప్యాటర్న్ ప్రకారం కనీసం 6.5 మార్కులు లేదా 65 శాతం ఉత్తీర్ణత కలిగి ఉండాలి.
ట్రాన్స్ జెండర్లు, పీడబ్ల్యూడీ, ఎస్సీ/ఎస్టీ అభ్యర్థులు బీఈ/బీటెక్, బీఎస్సీ ఇంజనీరింగ్ లో సీజీపీఏ ప్యాటర్న్ ప్రకారం కనీసం 6 మార్కులు ఉండాలి. లేదా 60 శాతం ఉత్తీర్ణత కలిగి ఉండాలి.
ఝార్ఖండ్, ఒడిశాకు చెందిన స్థానిక అభ్యర్థులకు ప్రాధాన్యత ఇవ్వబడుతుంది.
వయసు పరిమితి:
జనరల్ అభ్యర్థులకు: ఫిబ్రవరి 01 2023 నాటికి 30 ఏళ్లకు మించకూడదు.
ట్రాన్స్ జెండర్లు, పీడబ్ల్యూడీ, ఎస్సీ/ఎస్టీ అభ్యర్థులకు: ఫిబ్రవరి 01 2023 నాటికి 32 ఏళ్లు మించకూడదు.
పారితోషికాలు:
ఇంజనీర్ ట్రైనీకి ఏడాది పాటు ఇచ్చే శిక్షణ వ్యవధిలో నెలకు రూ. 30 వేలు ఉపకారవేతనం చెల్లిస్తారు.
మెడి-క్లెయిమ్ పథకం కింద ఇంజనీర్ ట్రైనీకి ఏడాదికి రూ. 2,50,000 విలువైన హాస్పిటలైజేషన్ కవరేజ్ ఉంటుంది.
అలానే ఓపీడీ కవరేజ్ ఏడాదికి రూ. 6 వేలు ఉంటుంది.
శిక్షణ పూర్తయ్యాక ఏడాదికి 6.24 లక్షలు జీతం చెల్లిస్తారు.
అసిస్టెంట్ మేనేజర్ గా అపాయింట్ చేసుకున్నాక కంపెనీ పాలసీ ప్రకారం ఇతర ప్రోత్సాహకాలు, ప్రయోజనాలు ఉంటాయి.
ఎంపిక విధానం:
ఆన్ లైన్ కాగ్నిటివ్ మరియు టెక్నికల్ టెస్టులు నిర్వహిస్తారు.
టెస్టులో పాసైన అభ్యర్థులను షార్ట్ లిస్ట్ చేసి డైరెక్ట్ ఇంటర్వ్యూ లేదా ఆన్ లైన్ లో ఇంటర్వ్యూ చేస్తారు.
దరఖాస్తు వివరాలు:
దరఖాస్తు ప్రక్రియ: ఆన్ లైన్ లో
దరఖాస్తు చివరి తేదీ: 03/03/2023
Imortant links
ప్రకటన కోసం ఇక్కడ క్లిక్ చేయండి
దరఖాస్తు చేసుకోవడానికి ఇక్కడ క్లిక్ చేయండి
పూర్తి వివరాల కోసం ఇక్కడ క్లిక్ చేయండి
Leave a Reply